KOMUNIKADU IMPRENSA
Dili, 12 Setembru 2025
Autoridade Nacional do PetróleU (ANP) ho kontenti hakarak anúnsia públiku serímonia ba asinatura akordu Sesaun no aseitasaun Partisipasaun hosi estado iha operasaun Petrolíferas ba iha kontratu Fahe Produsaun (“KFP”) TL-OT-22-22.
ANP nudar instituisaun públiku ne’ebé representa Ministeriu Petróleu no Rekursu Minerais asina akordu ne’e iha loron sesta 12 Setembru 2025 ho kompañia HTS Exploration Ltd R.P. (Representação Permanente) (HTS), nebe rejistradu iha Repúblika Demokratika de Timor-Leste , no mós kompañia TIMOR GAP PSC TL-OT-22-22 Unipessoal Limitada (TIMOR GAP) nudar subsidiaria husi kompañia Estatal TIMOR GAP E.P.
Iha akordu ne’e, no bazeia ba direitu ba partisipasaun estadu nian tuir Lei Timor-Leste nian, preve interese ba partisipasaun hosi TIMOR GAP hamutuk pursentu Sanulu (10%) iha Kontratu Fahe Produsaun TL-OT-22-22.
Kontratu Fahe Produsaun TL-OT-22-22 ne’e rasik asina tiha ona husi ANP no HTS iha loron 7 fulan Marsu tinan 2024 . KFP TL-SO-22-22 maka área ne’ebe koñesidu ho naran Bloku F ne’ebé lokaliza iha munisipiu Viqueque, área rai maran Timor-Leste nian. Bloku refere inklui iha Bloku 18 ne’ebé governu lansa iha periudu Lisensiamentu Segunda Ronda 2019/2022 .
Iha Kontratu Fahe Produsaun TL-OT-22-22 nia laran, HTS no nia parseiru foun TIMOR GAP sei ezekuta komprimisu ba serbisu sira inklui levantamentu dadus sízmiku no mós atividade perfurasaun.
Serimonia asina akordu ne’e hanesan pasu importante tebes, ne’ebé fó dalan ba kolaborasaun entre governu Timor-Leste no HTS ba esplorasaun mina no gás iha área juridisaun Timor-Leste nian, no mós atu promove dezenvolvimentu indústria petrolifera sira iha Timor-Leste.
Remata
