This content has been archived. It may no longer be relevant
REKERIMENTU BA PROPOSTA (RbP)
FORNESE PRINTING SERVICES BA ANPM
ANPM/PROC/RFP/22/013
1. LIA MAKLOKEK
Autoridade Nasionál ba Petróleu no Mineral (ANPM, Instituisaun Públika (IP), ne’ebé estabelese husi Dekretu-Lei No. 27/2019, 27 Agostu, alterasaun daruak ba Dekretu-Lei No. 20/2008, 19 Juñu, kona ba Autoridade Nasionál ba Petróleu, responsável ba jestaun no regulamentasaun atividade petrolífera no mineral sira iha área Timor-Leste nian, tantu iha Offshore (Tasi Laran) no iha Onshore (Rai Maran) no mos iha Rejime Espesiál Greater Sunrise nian, hanesan haktuir iha Dekretu-Lei ne’ebé estabelese ANPM, Lei ba Atividade Petrolífera, Tratadu Fronteira Marítima no mos Diploma Ministerial.
ANPM mos iha knar ida hodi estabelese no superviziona ba kumprimentu husi regra no regulamentu sira ne’ebé aprovadu inklui esplorasaun (Peskiza), dezenvolvimentu, produsaun, transporte no distribuisaun ba Petróleu, Gás Naturál no Minerais. ANPM mos iha knar seluk hanesan hari’i instituisaun forte ba jestaun petróleu no mineral iha Timor-Leste.
ANPM oras ne’e dadaun loke oportunidade ba kompañia Lokál ne’ebé maka kualifikadu iha printing service atu fornese proposta ba iha ANPM. Kompañia ne’ebé mak iha interese atu kompete tenke submete proposta ne’ebé komprensivu tuir ANPM nia rekezitu.
Kompañia ne’ebé mak atu manan tenki iha obrigasaun atu fornese tarefa presu ne’ebé diak no kompetitivu ba serbisu ida ne’e, no mos prontu atu atende telefone husi Ofisial Administrasaun ka Ofisial designadu ANPM no hala’o serbisu emerjénsia wainhira ANPM rekere, uza transporte rasik no fo atensaun másimu tuir rekerimentu saúde, siguransa ho meiu ambiente.
Husu Fonesedor atu prenxe presu no lista material sira ne’ebé utiliza ba Printing Services nian hanesan iha aneksu.
2. SUBMISAUN BA PROPOSTA
Submisaun ba proposta tenke hatama iha envelope ne’ebé taka metin no tau marka “CONFIDENTIAL’ no hato’o/dirije ba Sr. Nuno Belo Freitas, Procurement Sourcing Officer no liu husi elektróniku bele haruka ba iha bid@anpm.tl or procurementbid@anpm.tl ka liu husi koreius ba iha:
Autoridade Nacional do Petróleo e Minerais (ANPM)
Edifício do Ministério das Finanças, Pisos 6 e 7
Aitarak Laran, Dili, Timor-Leste
PO Box 113
ANPM website: www.anpm.tl
3. DATA NO LORON IKUS HATAMA PROPOSTA
Submisaun ba proposta sei taka iha tuku 04:00 lokraik oras Timor – Leste iha loron 22 Outubro 2022. Aplikasaun ba proposta hatama liu oras no data ne’ebé mak temi ona iha leten sei la konsidera.
4. INFORMASAUN SELUK
Karik iha perguntas ruma, bele kontaktu mai Edifisiu ANPM iha numeru +670 73099995/ 73099996 ka email ba iha Jerente Administrasaun no Aprovizionamentu, Sra. Pamela Simões iha pamela.simoes@anpm.tl.
Dili, 22 September, 2022
Pamela A. Simões
Jerente Aprovizionamentu Interina
*Note:
- Hakarak hatene informasaun kompletu favor, klik iha ne’e.
- Atu hatene informasaun kona ba Price List for Service Printing, klik iha ne’e.
