Facebook Linkedin Instagram Youtube

    AUTORIDADE NACIONAL DO PETRÓLEO, I.P.

    To be a leading petroleum regulatory authority in the region & a model for institutional development in Timor-Leste.
    COURAGE

    Collaboration, Openness, Unity, Responsibility, Accountability, Global View, Excellence​

    Procurement

    Archived: Request for Proposal

    July 29, 2020 /

    This content has been archived. It may no longer be relevant

    REKERIMENTU BA PROPOSTA (RbP)

    SERBISU MANUTENSAUN JERADOR IHA EDIFÍSIU ANPM

    ANPM/PROC/RFP/20/008

    LIA MAKLOKEK

    Autoridade Nasionál ba Petróleu no Mineral (ANPM,  Instituisaun Públika (IP), ne’ebé estabelese husi Dekretu-Lei No. 27/2019, 27 Agostu, alterasaun daruak ba  Dekretu-Lei No. 20/2008, 19 Juñu, kona ba Autoridade Nasionál ba Petróleu, responsável ba jestaun no regulamentasaun atividade petrolífera no mineral sira iha área Timor-Leste nian, tantu iha Offshore (Tasi Laran) no iha Onshore (Rai Maran) no mos iha Rejime Espesiál Greater Sunrise nian, hanesan haktuir iha Dekretu-Lei ne’ebé estabelese ANPM,  Lei ba Atividade Petrolífera, Tratadu Fronteira Marítima no mos Diploma Ministerial.

    ANPM mos iha knar ida hodi estabelese no superviziona ba kumprimentu husi regra no regulamentu sira ne’ebé aprovadu  inklui esplorasaun (Peskiza), dezenvolvimentu, produsaun, transporte no distribuisaun ba Petróleu, Gás Naturál no Minerais. ANPM mos iha knar seluk hanesan hari’i instituisaun forte ba jestaun petróleu no mineral iha Timor-Leste.

    ANPM agora dadaun loke oportunidade ba Kompañia Lokal ne’ebé maka kualifikadu atu submete  proposta hodi  fornese serbisu Manutensaun ba Jerador iha Edifisiu ANPM iha Dili no mos iha fatin seluk ne’ebé ANPM indika.   Kompañia ne’ebé hetan susesu sei fornese serbisu ne’e durante  tinan ida no  iha posibilidade   kontratu  bele hanaruk ba tinan tuir mai bazeia  ba dezempeñu serbisu nian.

    Kompañia ne’ebé mak iha interese atu kompete tenke submete proposta ne’ebé komprensivu tuir rekezitu ANPM nian, tenki prontu  atende serbisu wainhira simu telefone emerjénsia husi Ofisial Lojistiku ANPM nian no fo atensaun masimu tuir rekerimentu saúde, siguransa ho meiu ambiente.

    KRITERIA BA SELESAUN

    Kompañia ne’ebé iha interese tenke kumpre kritéria  hanesan tuir mai :Iha esperiensia ka kapasidade atu fornese serbisu Manutensaun ba Jerador;

    1. Iha kapasidade no esperiénsia minimu tinan 3 ba Fornese Manutensaun Jerador nian;
    2. Deklarasaun kompetensia no kualifikasaun husi pesoal ne’ebe involve iha manutensaun ba jerador;
    3. Proposta metodolojia oinsá atu responde ba ANPM nia pedidu;
    4. Deklarasaun kona ba konflitu interese;
    5. Proposta programa no oráriu (timeline) oinsá atu fornese Manutensaun nian;
    6. Submete dokumentus Rejistu Negosiu/Komersiu Timor – Leste nian inklui deklarasaun impostu no sósiu kapitál (husi SERVE);
    7. Submete deklarasaun afiliasaun ho kompañia seluk – karik iha;
    8. Submete deklarasaun Konta Bankária (Bank Statement) fulan tolu (3) nian hahú husi submisaun proposta;
    9. Submete estrutura organizasaun kompañia nian.

     

    Nota;

    • Submisaun ba proposta hakerek ho lian Ingles ka Tetun no dokementus sira ne’ebé temi iha “Kritéria Selesaun” tenke aneksa tutuir malu tuir nia númeru;
    • Tenke submete Proposta rua, ida ba tékniku no seluk fali ba finanseira, proposta rua ne’e fahe keta-ketak;
    • Sekarik falla hodi responde ba lalaok selesaun kritéria maka temi iha leten maka sei diskualifika automatikamente;

     

    SUBMISAUN BA PROPOSTA

    Submisaun ba proposta tenke hatama iha envelope ne’ebé taka metin no tau marka “CONFIDENTIAL” no hato’o/dirije ba Sr.  Nuno Belo Freitas,  Procurement Sourcing Officer   no liu husi sitiu elektróniku bele haruka ba iha ANPM.procurementbid@anpm.tl  ka liu husi koreius ba iha:

    Autoridade Nacional do Petróleo e Minerais (ANPM)

    Edifício do Ministério das Finanças, Pisos 6 e 7

    Aitarak Laran, Dili, Timor-Leste

    PO Box 113

    ANPM website: www.anpm.tl

     

    DATA NO LORON IKUS HATAMA PROPOSTA

    Submisaun ba proposta sei taka iha loron 28 Agostu 2020,  tuku 4:00 lokraik oras Timor – Leste nian. Aplikasaun ba proposta  hatama liu oras no data ne’ebé mak temi ona iha leten sei la konsidera.

    INFORMASAUN SELUK

    Karik iha perguntas ruma, bele kontaktu mai Edifísiu ANPM  iha númeru +670 73099995 / 73099996 ka email ba iha Jerente Administrasaun no  Logistiku, Sra. Pamela Simões iha pamela.simoes@anpm.tl ka Ofisial Lojistiku, Sr. Reginaldo Francisco iha reginaldo.francisco@anpm.tl.

     

    Dili, 28 Jullu 2020

     

    Humberto Pereira

    Jerente Aprovisionamentu

     

    PS: Favor baixa anunsiamentu nee iha versaun PDF hodi klik iha nee.