Facebook Linkedin Instagram Youtube

    AUTORIDADE NACIONAL DO PETRÓLEO, I.P.

    To be a leading petroleum regulatory authority in the region & a model for institutional development in Timor-Leste.
    COURAGE

    Collaboration, Openness, Unity, Responsibility, Accountability, Global View, Excellence​

    Procurement

    Archived: REKERIMENTU BA PROPOSTA (RbP) FORNESE EKIPAMENTUS NO MANUTENSAUN BA AR KONDISIONADU NO ELETRISIDADE BA EDIFISIUS ANPM

    November 20, 2019 /

    This content has been archived. It may no longer be relevant

    REKERIMENTU BA PROPOSTA (RbP)

    FORNESE EKIPAMENTUS NO MANUTENSAUN BA AR KONDISIONADU NO ELETRISIDADE  BA EDIFISIUS ANPM

    ANPM/PROC/RFP/19/012

     LIA MAKLOKEK

    Autoridade Nacional do Petróleo e Minerais (ANPM) hanesan instituisaun publiku, ne’ebé estabelese ho dekretu-lei No. 27/2019, loron 27 Agustu, alterasaun daruak husi dekretu-lei No. 20/2008 loron 19 Juñu kona ba Autoridade Nacional do Petróleo, ne’ebé iha responsabilidade atu maneija no regula atividades petróleo no mineiru iha area Timor-Leste, iha tasi laran no iha rai maran inklui rejime spesial Greater Sunris bazeia ba dekretu-lei kona-ba estabelesementu ANPM, Lei Atividade Petróleo, Tratadu Fronteira Maritima no Kodigu Mineiru.

    Estabelesementu ANPM atu maneija no superviziona lala’ok regulamentu no lei sira hanesan peskiza, dezenvolvimentu, produsaun, transportasaun no distribuisaun rekursu Petróleo no Minerais. ANPM mos iha mandatu atu dezenvolve hanesan instituisaun regulador ba setor Petróleo no Minerais iha Timor-Leste.

    ANPM agora dadaun loke oportunidade ba kompañia Lokal ne’ebé maka kualifikadu atu submete  proposta hodi  Fornese Ekipamentus no Manutensaun ba Ar Kondisionadu no Eletrisidade ba iha Edifísius ANPM no mos fatin ne’ebé indika husi ANPM.  Kompañia ne’ebé hetan susesu sei fornese serbisu ne’e durante  tinan ida no  iha posibilidade   kontratu  bele hanaruk ba tinan tuir mai bazeia  ba avaliasaun dezempeñu serbisu nian.

    Kompañia ne’ebé mak iha interese atu kompete tenke submete proposta ne’ebé komprensivu tuir rekezitu ANPM nian, iha edifísiu ne’ebé própriu no ambiente ne’ebé diak atu ANPM bele kontaktu no mos aseita faktura pagamentu atu hala’o kada fulan ka bazeia ba fornese Fornese Ekipamentus no Manutensaun ba Ar Kondisionadu no Eletrisidade nian.

    Kompañia mos iha orbigasaun atu fornese tarefa ne’ebé diak, prontu atu atende telefone emerjénsia husi Ekipa Administrasaun no Lojistiku ANPM nian, uza transporte rasik wainhira hala’o serbisu ida ne’e no fo atensaun másimu tuir rekerimentu saúde, siguransa ho meiu ambiente.

    KRITÉRIA BA SELESAUN

    Kompañia ne’ebé iha interese tenke submete informasaun hanesan tuir mai ne’e:

    1. Iha esperiénsia no kapasidade hodi Fornese Ekipamentus no Manutensaun ba Ar Kondisionadu no Eletrisidade tuir ANPM nia rekerimentu;
    2. Deklarasaun kompeténsia no kualifikasaun husi pesoál ne’ebe involve iha serbisu ida ne’e;
    3. Proposta metodolojia oinsá atu fornese;
    4. Deklarasaun konaba konflitu interese;
    5. Proposta programa no oráriu (timeline) oinsá atu Fornese Ekipamentus no Manutensaun ba Ar Kondisionadu no Eletrisidade;
    6. Submete dokumentus Rejistu Negosiu/Komersiu Timor – Leste nian inklui deklarasaun impostu no sósiu kapital kompañia nian;
    7. Submete deklarasaun afiliasaun ho kompañia seluk;
    8. Submete deklarasaun Konta Bankaria (Bank Statement) fulan tolu (3) nian hahú husi submisaun proposta;
    9. Submete estrutura organizasaun kompañia nian.
    10. Proposta Finanseira.

    Nota; Submisaun ba proposta hakerek ho lian Ingles ka Tetun no dukementus sira ne’ebé temi iha   “Kritéria Selesaun” tenke aneksa tutuir malu tuir nia númeru. Tenke submete Proposta rua, ida ba tékniku no seluk fali ba finanseira, proposta rua ne’e fahe ketak-ketak.

    SUBMISAUN BA PROPOSTA

    Submisaun ba proposta tenke hatama iha envelope ne’ebé taka metin no tau marka “CONFIDENTIAL’ no hato’o/dirije ba Sr. Nuno Belo Freitas, Procurement Sourcing Officer liu husi elektróniku ba iha ANPM.procurementbid@anpm.tl ka entrega dereta ba iha:

    Autoridade Nacional do Petróleo e Minerais (ANPM)

    Edifício do Ministério das Finanças, Pisos 7

    Aitarak Laran, Dili, Timor-Leste

    PO Box 113

    ANPM website: www.anpm.tl

    DATA NO LORON IKUS HATAMA PROPOSTA

    Submisaun ba proposta sei taka iha tuku 4.30 lokraik oras Timor – Leste nian iha loron 19 Dezembru 2019. Aplikasaun ba proposta  hatama liu oras no data ne’ebé mak temi ona iha leten sei la konsidera.

    INFORMASAUN SELUK

    Karik iha perguntas ruma, bele kontaktu ba iha Edifisiu ANPM  iha numeru +670 73099995 / 73099996 ka email ba iha Jerente Administrasaun no Aprovizionamentu, Sra. Pamela Simões iha pamela.simoes@anpm.tl ka Ofisiál Logistiku, Sr. Reginaldo Francisco iha reginaldo.francisco@anpm.tl.

    Dili, 19 Novembru 2019

    Pamela Simões

    Jerente Administrasaun no Aprovizionamentu

    Informasaun klaru klik iha ne’e