Archived: RFP – Providing Catering Services to ANPM

This content has been archived. It may no longer be relevant

REKERIMENTU BA PROPOSTA (RbP)

FORNESE CATERING BA ANPM

ANPM/PROC/RbP/19/004

LIA MAKLOKEK

Autoridade Nacional do Petróleo e Minerais (ANPM) hanesan instituisaun publiku, ne’ebé estabelese ho dekretu lei No. 1/2016, loron 9 Fevereiru, alterasaun dahuluk husi dekretu lei No. 20/2008 loron 19 Juñu konaba Autoridade Nacional do Petróleo, ne’ebé iha responsabilidade atu maneija no regula atividades petrolífera no minerais iha area Timor Leste, iha tasi laran no iha rai maran inklui area konjunta ba desenvolvimentu petrolíferu.

ANPM agora dadaun loke oportunidade ba Kompañia Lokal ne’ebé maka kualifikadu atu submete  proposta hodi  Fornese Catering ba ANPM.  Kompañia ne’ebé hetan susesu sei fornese serbisu ne’e durante  tinan ida no  iha posibilidade   kontratu  bele hanaruk ba tinan tuir mai bazeia  ba dezempeñu serbisu nian.

Kompañia ne’ebé mak iha interese atu kompete tenke submete proposta ne’ebé komprensivu tuir rekezitu ANPM nian, iha edifísiu/fatin ne’ebé própriu no ambiente ne’ebé diak atu ANPM bele kontaktu no mos aseita faktura pagamentu atu hala’o kada fulan ka bazeia ba Fornese Catering nian.

Kompañia mos iha obrigasaun  atu fornese tarefa ne’ebé diak ba serbisu ida ne’e, prontu atu atende telefone emerjénsia husi Ekipa Administrasaun ANPM nian, uza transporte rasik  no fo atensaun másimu tuir rekerimentu saúde, siguransa ho meiu ambiente.

Fornesedor rekere atu submete presu no lista hahan no merenda/snack nian ne’ebé diferenti kada loron ba loron. Lista hahan ne’ebé atu fornese maka hanesan hahan Tradisional, Portuguesa, Indonesia, Eropa no seluk tan.

KRITÉRIA BA SELESAUN

Kompañia ne’ebé iha interese tenke kumpre kritéria  hanesan tuir mai ne’e:

1. Iha kapasidade no esperiénsia minimu tinan 3 ba Fornese Catering;
2. Deklarasaun Funsionariu nia kualifikasaun;
3. Proposta metodolojia oinsá atu responde ba ANPM nia kritéria;
4. Deklarasaun kona ba konflitu interese;
5. Fornesedor sei bele fornese hahan wainhira ANPM husu bazeia ba lista menu no oras husi ANPM;
6. Submete dokumentus Rejistu Negosiu/Komersiu Timor – Leste nian inklui deklarasaun impostu no sósiu kapitál (husi SERVE) kompañia nian no mos Sertifikadu husi Ministeriu da Saúde no mos Autoridade de Inspeção e Fiscalização da Atividade Económica, Sanitária e Alimentar (AIFAESA) nian ne’ebé sei validu;
7. Submete deklarasaun afiliasaun ho kompañia seluk – karik iha;
8. Submete deklarasaun Konta Bankaria (Bank Statement) fulan tolu (3) nian hahú husi submisaun proposta;
9. Submete estrutura organizasaun kompañia nian.

Nota; Submisaun ba proposta hakerek ho lian Ingles ka Tetun no dukementus sira ne’ebé temi iha   “Kritéria Selesaun” tenke aneksa tutuir malu tuir nia númeru. Tenke submete Proposta rua, ida ba tékniku no seluk fali ba finanseira, proposta rua ne’e fahe ketak-ketak.

SUBMISAUN BA PROPOSTA

Submisaun ba proposta tenke hatama iha envelope ne’ebé taka metin no tau marka “CONFIDENTIAL’ no hato’o/dirije ba Sr. Humberto Pereira, Ofisiál Jestaun Sistema Aprovizionamentu no liu husi elektróniku bele haruka ba iha ANPM.procurementbid@anpm.tl ka liu husi koreius ba iha:

Autoridade Nacional do Petróleo e Minerais (ANPM)

Edifício do Ministério das Finanças, Pisos 6 e 7

Aitarak Laran, Dili, Timor-Leste

PO Box 113

ANPM website: www.anpm.tl

DATA NO LORON IKUS HATAMA PROPOSTA

Submisaun ba proposta sei taka iha tuku 4.30 lokraik oras Timor – Leste nian iha loron 21 Maio 2019. Aplikasaun ba proposta  hatama liu oras no data ne’ebé mak temi ona iha leten sei la konsidera.

INFORMASAUN SELUK

Karik iha perguntas ruma, bele kontaktu mai Edifisiu ANPM  iha numeru +670 73099995 / 73099996 ka email ba iha Jerente Administrasaun no Aprovizionamentu, Sra. Pamela Simões iha pamela.simoes@anpm.tl ka Ofisiál Administrasaun, Sr. Gustavo Soares iha gustavo.soares@anpm.tl.

Dili, 22 Abril 2019

Pamela Simões

Jerente Administrasaun no Aprovizionamentu

PS: Favor baixa anunsio nee iha file PDF hodi klik iha nee.