This content has been archived. It may no longer be relevant
REKEZITU BA PROPOSTA (RbP)
Fornese Serbisu Seguransa iha Edifísiu ANPM
ANPM/PROC/RFP/23/006
LIA MAKLOKEK
Autoridade Nacional do Petróleo e Minerais (ANPM) hanesan instituisaun publiku, ne’ebé estabelese ho dekretu lei No. 27/2019, loron 27 Agustu, alterasaun daruak husi dekretu lei No. 20/2008 loron 19 Juñu kona ba Autoridade Nacional do Petróleo, ne’ebé iha responsabilidade atu maneija no regula atividades petróleo no mineiru iha area Timor-Leste, iha tasi laran no iha rai maran inklui rejime spesial Greater Sunrise bazeia ba Dekretu Lei kona-ba estabelesementu ANPM, Lei Atividade Petróleo, Tratadu Fronteira Maritima and Kodigu Mineiru.
Estabelesementu ANPM atu maneija no superviziona lala’ok regulamentu no lei sira hanesan peskiza, dezenvolvimentu, produsaun, transportasaun no distribuisaun rekursu Petróleo no Minerais. ANPM mos iha mandatu atu dezenvolve hanesan instituisaun regulador ba setor Petróleo no Minerais iha Timor-Leste.
ANPM agora dadaun loke oportunidade ba kompañia lokal ne’ebé maka kualifikadu no iha esperiensia atu kompete iha konkursu publiku ida ne’e hodi submete proposta atu Fornese Serbisu Seguransa ba iha Edifisiu ANPM nian ne’ebé lokaliza iha Farol durante 24 horas. Kompañia ne’ebé maka manan iha konkursu ne’e sei fornese serbisu durante tinan ida (1) no iha posibilidade hodi hanaruk kontratu ba tinan tuir mai bazeia ba dezempeñu serbisu.
Kompañia ne’ebé mak iha interese atu kompete tenki submete proposta ne’ebé komprensivu tuir rekezitu ANPM nian inklui halo site survey ba iha edifisiu ANPM Farol. Kompania ne’ebé interesse tenki iha edifisiu ne’ebé própriu no ambiente ne’ebé diak atu ANPM bele kontaktu no mos aseita fatura pagamentu atu hala’o kada fulan ka bazeia ba fornese serbisu nian. Kompañia mos iha obrigasaun atu fornese presu ne’ebé diak no kompetitivu ba serbisu ida ne’e inklui mos ho ekipamentus seguransa nian, no mos prontu atu atende telefone husi Ofisial Administrasaun ka Ofisial designadu ANPM no fo atensaun másimu tuir rekerimentu saúde, siguransa ho meiu ambiente.
SUBMISAUN BA PROPOSTA
Submisaun ba proposta tenke hatama iha envelope ne’ebé taka metin no tau marka “CONFIDENTIAL’ no hato’o/dirije ba Sr. Nuno Belo Freitas, Procurement Sourcing Officer liu husi elektróniku ba iha bid@anpm.tl ka entrega dereta ba iha:
Autoridade Nacional do Petróleo e Minerais (ANPM)
Edifício do Ministério das Finanças, Pisos 7
Aitarak Laran, Dili, Timor-Leste
PO Box 113
ANPM website: www.anpm.tl
DATA NO LORON IKUS HATAMA PROPOSTA
Submisaun ba proposta sei taka iha tuku 4.30 lokraik oras Timor – Leste nian iha loron Sexta, 5 Maiu 2023. Aplikasaun ba proposta hatama liu oras no data ne’ebé mak temi ona iha leten sei la konsidera.
INFORMASAUN SELUK
Karik iha perguntas ruma, bele kontaktu mai Edifisiu ANPM iha numeru +670 73099995 / 73099996 ka email ba iha procurement.queries@anpm.tl.
Nota:
Detallu informasaun Rekerimentu ba Proposta (RbP) bele asesu iha ANPM nia website ../category/procurement/tender/rfp/ ka bele mai foti iha eskritóriu ANPM iha Edifício do Ministério das Finanças, Pisos 7 Aitarak Laran.
Dili, 5 Abril 2023
Diana Lay Lugiarto
Jerente Aprovizionamentu Interinu
- Ba informasaun detallu, favor klik iha ne’e.
