This content has been archived. It may no longer be relevant
REKERIMENTU BA PROPOSTA (RbP)
FORNESE SERBISU MANUTENSAUN VEÍKULU (KARETA NO MOTOR) BA ANPM
ANPM/PROC/RFP/23/002
LIA MAKLOKEK
Autoridade Nasionál ba Petróleu no Minerais (ANPM) nudar Instituisaun Públika ne’ebé estabelese husi Dekretu-Lei No. 27/2019, 27 Agostu, alterasaun daruak ba Dekretu-Lei No. 20/2008, 19 Juñu, kona ba Autoridade Nasionál ba Petróleu, responsável ba jestaun no regulamentasaun atividade petrolífera no mineral sira iha área Timor-Leste nian, tantu iha Offshore (Tasi Laran) no iha Onshore (Rai Maran) no mos iha Rejime Espesiál Greater Sunrise nian, hanesan haktuir iha Dekretu-Lei ne’ebé estabelese ANPM, Lei ba Atividade Petrolífera, Tratadu Fronteira Marítima no mos Diploma Ministerial.
ANPM mos iha kna’ar ida hodi estabelese no superviziona ba kumprimentu husi regra no regulamentu sira ne’ebé aprovadu inklui esplorasaun (Peskiza), dezenvolvimentu, produsaun, transporte no distribuisaun ba Petróleu, Gás Naturál no Minerais. ANPM mos iha knar seluk hanesan hari’i instituisaun forte ba jestaun petróleu no mineral iha Timor-Leste.
ANPM agora dadaun loke oportunidade ba kompañia lokal ne’ebé maka kualifikadu atu submete proposta hodi Fornese Serbisu Manutensaun Veíkulu ba ANPM. Kompañia manan nain sei fornese serbisu ne’e durante tinan ida no iha posibilidade bele hanaruk ba tinan tuir mai bazeia ba avaliasaun dezempeñu serbisu nian.
Kompañia/Ofisina ne’ebé mak iha interese atu kompete tenki submete proposta ne’ebé komprensivu tuir rekezitu ANPM nian; a).Iha Edifisiu/Ofisina ne’ebé propriu no ambiente ne’ebé diak atu ANPM bele kontaktu, b).Asegura fatin ne’ebé seguru wainhira hala’o serbisu manutensaun ba ANPM nia veíkulu, c).Iha ekipamentus kompletu hodi bele hala’o serbisu manutensaun.
Kompañia mos iha obrigasaun; a).Fornese tarefa ne’ebé diak ba Manutensaun Veíkulu nian, b).Aseita faktura pagamentu atu hala’o kada fulan ka baziea ba fornese serbisu ida ne’e, c). Prontu atu atende telefone emerjénsia husi Ekipa Administrasaun no Lojistiku ANPM nian, d). Fo atensaun másimu tuir rekerimentu saúde, siguransa no meiu ambiente.
Serbisu Manutensaun Veíkulu mak hanesan tuir mai ne’e:
- Air Conditioner Maintenance/Manutensaun Ar Kondisiunadu
- Maintenance “A”/Manutensaun “A”;
- Maintenance “B”/Manutensaun “B”
- Maintenance “C”/Manutensaun “C”;
- Replace Vehicle Tires/Troka Roda ka Pineu ba Kareta;
- Minor Painting/Pinta minor;
- Hourly rate or rate / hour and or Labor Cost/Kustu ba Serbisu;
- Tow truck/Mobil Derek.
SUBMISAUN BA PROPOSTA
Submisaun ba proposta tenke hatama iha envelope ne’ebé taka metin no tau marka “CONFIDENTIAL’ no hato’o/dirije ba Sr. Nuno Belo Freitas, Procurement Sourcing Officer liu husi elektróniku ba iha bid@anpm.tl ka entrega dereta ba iha:
Autoridade Nacional do Petróleo e Minerais (ANPM)
Edifício do Ministério das Finanças, Pisos 7
Aitarak Laran, Dili, Timor-Leste
PO Box 113
ANPM website: www.anpm.tl
DATA NO LORON IKUS HATAMA PROPOSTA
Submisaun ba proposta sei taka iha tuku 4.00 lokraik oras Timor – Leste nian iha loron 28 Fevereiru 2023. Aplikasaun ba proposta hatama liu oras no data ne’ebé mak temi ona iha leten sei la konsidera.
INFORMASAUN SELUK
Karik iha perguntas ruma, bele kontaktu mai Edifisiu ANPM iha numeru +670 73099995 / 73099996 ka email ba iha Jerente Lojistiku, Sr. Reginaldo Francisco iha reginaldo.francisco@anpm.tl.
Dili, 26 Janeiru 2023
Diana Lay Lugiarto
Jerente Aprovizionamentu Interinu
*Ba informasaun detallu, favor klik iha ne’e.
