This content has been archived. It may no longer be relevant
REKERIMENTU BA PROPOSTA (RbP)
FORNESE SERBISU HAMOS EDIFISIU ANPM IHA MINÍSTERIU DAS FINANSAS (PIZU/LEVEL 6 & 7)
ANPM/PROC/RFP/23/001
LIA MAKLOKEK
Autoridade Nacionál ba Petróleu no Mineral (ANPM, Instituisaun Públika (IP), ne’ebé estabelese husi Dekretu-Lei No. 27/2019, 27 Agostu, alterasaun daruak ba Dekretu-Lei No. 20/2008, 19 Juñu, kona-ba Autoridade Nacionál ba Petróleu, responsável ba jestaun no regulamentasaun atividade petrolífera no mineral sira iha área Timor-Leste nian, tantu iha Offshore (Tasi Laran) no iha Onshore (Rai Maran) no mos iha Rejime Espesiál Greater Sunrise nian, hanesan haktuir iha Dekretu-Lei ne’ebé estabelese ANPM, Lei ba Atividade Petrolífera, Tratadu Fronteira Marítima no mos Diploma Ministerial.
ANPM mos iha knar ida hodi estabelese no superviziona ba kumprimentu husi regra no regulamentu sira ne’ebé aprovadu inklui esplorasaun (Peskiza), dezenvolvimentu, produsaun, transporte no distribuisaun ba Petróleu, Gás Naturál no Minerais. ANPM mos iha knar seluk hanesan hari’i instituisaun forte ba jestaun petróleu no mineral iha Timor-Leste.
ANPM agora dadaun loke oportunidade ba kompañia lokal ne’ebé maka kualifikadu atu Fornese Serbisu Hamos Edifisiu ANPM. Kompañia ne’ebé mak iha interese atu kompete tenke submete proposta ne’ebé komprensivu tuir rekezitu ANPM nian, iha edifísiu ne’ebé própriu no ambiente ne’ebé diak atu ANPM bele kontaktu no mos aseita faktura pagamentu atu hala’o kada fulan ka bazeia ba fornese serbisu hamos edifísiu nian.
Kompañia mos iha obrigasaun atu fornese tarefa ne’ebé diak ba serbisu hamos edifísiu nian, ekipamentu limpeza, fornese material sanitariu ( Sabaun fase liman, tissue, handsanitizer, desinfektante, bayfresh, no seluk-seluk tan), nomós prontu atu atende telefone emerjénsia husi Ekipa Administrasaun ANPM nian, uza transporte rasik wainhira hala’o serbisu ida ne’e no fo atensaun másimu tuir rekerimentu saúde, siguransa ho meiu ambiente.
SUBMISAUN BA PROPOSTA
Submisaun ba proposta tenke hatama iha envelope ne’ebé taka metin no tau marka “CONFIDENTIAL’ no hato’o/dirije ba Sr. Nuno Belo Freitas, Procurement Sourcing Officer no liu husi sitiu elektróniku bele haruka ba iha bid@anpm.tl ou hodi dereta ba iha:
Autoridade Nacional do Petróleo e Minerais (ANPM)
Edifício do Ministério das Finanças, Pisos 6 e 7
Aitarak Laran, Dili, Timor-Leste
PO Box 113
ANPM website: www.anpm.tl
DATA NO LORON IKUS HATAMA PROPOSTA
Submisaun ba proposta sei taka iha loron 1 Marsu 2023, oras 4:00 lokraik oras Timor – Leste nian. Aplikasaun ba proposta hatama liu oras no data ne’ebé mak temi ona iha leten sei la konsidera.
INFORMASAUN SELUK
Karik iha perguntas ruma, bele kontaktu mai Edifísiu ANPM iha númeru +670 73099995 / 73099996 ka email ba iha Jerente Administrasaun Sra. Pamela Simões iha pamela.simoes@anpm.tl.
Dili, 26 Janeiru 2023
Diana Lay Lugiarto
Jerente Interina Aprovizionamentu
*Ba informasaun detallu, favor klik iha ne’e.