This content has been archived. It may no longer be relevant
Autoridade Nacional do Petróleo e Minerais (ANPM) mak orgaun ida nebe responsabiliza hodi jere, regula, no kontrola atividade petróliu no mineral iha area Timor Leste, tasi no rai maran, no área konjunta ba desenvolvimentu petróliu no área esklusiva Timor-Leste nian tuir dekretu lei nebe establese ANPM.
ANPM agora dadaun hahu fila fali programa estajiu ba Timor oan ne’ebé akaba tiha ona nia estudu husi Ensino Superior. Ba tinan oin, 2018 iha periodu premeiru, ANPM offerese programa estajiu ba kategoria Grupu Enjeñaria ho durasaun fulan neen (6). Programa estajiu ne’e sei hahu iha fulan Janeiru – Juniu 2018. Programa hirak ne’e mak hanesan tuir mai:
Ba ita bo’ot sira nebe interese ba programa estajiu, bele haruka ita bo’ot sira nia dokumentu sira hanesan karta aplikasaun, CV no dokumentu relevante seluk nebe esplika ita bo’ot nia abilidade no background edukasaun. Haruka ita bo’ot sira aplikasaun ba iha Rekursu Umanu ANPM liu husi: GIP.Application@anpm.tl. Ou ita bo’ot sira mos bele hatama direita ba edificiu ANPM iha Ministério das Finanças, Pisos 7, Aitarak-Laran, Dili, Timor-Leste.
Ita bo’ot sira nia karta aplikasaun no CV tenki hakerek ho lian Ingles inklui mos lista pesoal ba referensia ema nain rua.
Aplikante ida bele aplíka ba programa ida deit !
Aplikasaun sei taka iha loron 27 Novemberu 2017, tuku 04.00 loro-kraik.
ANPM sei anunsia deit aplikante hirak nebé maka pasa prosesu short-listing hodi kontinua ba izame eskrita. Depois ne’e ANPM mos sei anunsia deit kandidatu nebé pasa ona ezame eskrita ba tuir intervista.
ANPM promove opurtunidade ba programa estajiu hanesan ba jéneru hot-hotu iha Timor-Leste. ANPM mos investe iha dezenvolvimentu kapasitasaun ba Rekursu Umanu Timor oan. Programa estajiu ne’e sei halao dala rua (2) iha tinan ida no tinan – tinan sei halao bebeik.
Dili, 13 Novembru 2017
Zulficar Pires
Oficiais Formasaun no Dezenvolvimentu
