This content has been archived. It may no longer be relevant
Programa Estajiu ba Graduadu Universitariu
Autoridade Nacional do Petróleo e Minerais (ANPM) hanesan orgaun ida nebe responsabiliza hodi jere, regula, no kontrola atividade petróliferu no mineral iha area Timor Leste, tasi no rai maran tuir dekretu lei nebe establese ANPM.
ANPM oferese programa estajiu ba Timor oan nebe akaba tiha ona nia estudu husi Ensino Superior. Iha tinan 2019 ne’e, ANPM oferese programa estajiu ba kategoria Grupu Enjeñaria no Servisu Corporativa ho durasaun fulan neen (6). Programa estajiu ne’e sei hahu iha fulan Juliu – Dezembru 2019. Programa hirak ne’e mak hanesan tuir mai:
| Grupu Enjeñaria | Númeru | Grupu Servisu Corporativa | Númeru |
|---|---|---|---|
| Geology and Geophysics | 4 | Information and Technology | 2 |
| Development and Production | 4 | Corporate Finance | 2 |
| Environment Engineering | 1 | Internal Audit | 2 |
| Health and Safety | 1 | Training &Human Resource | 2 |
| Local Content & Procurement in Oil and Gas | 2 | Corporate Administration and Procurement | 2 |
| Oil & Gas Legal Framework | 2 | ||
| Oil and Gas Commercial | 4 | ||
| Mining Engineering | 4 | ||
| Downstream Environment Engineering | 2 | ||
| Downstream Calibration Engineering | 2 | ||
| Total | 26 | Total | 10 |
Ba ita boot sira nebe interese iha programa estajiu, bele vizita website ANPM: https://www.anp.tl/graduate-internship-program/. Klik iha How to Apply. Kompleta formulariu online no anexu dokumentu relevante mak hanesan: Karta Aplikasaun, CV, Kopia Ofisial Diploma no Traskripsaun Valor, no informasaun seluk konaba abilidade no koinesementu iha programa nebe ita boot eskoila. Ita boot sira nia Karta Aplikasaun no CV tenki hakerek ho lian Ingles inklui mos lista referensia pesoal ema nain rua.
Aplikasaun nebe kompleta ona sei manda automatikamente ba iha Unidade Formasaun no Dezenvolvimentu ANPM. ANPM sei simu deit aplikasaun hirak nebe hatama liu husi online. ANPM sei lasimu wainhbira ita boot sira hatama direita ba edifisiu ANPM.
Aplikante ida bele aplíka ba programa ida deit !
Aplikasaun sei taka iha loron 17 Abril 2019, oras tuku 04.00 loro-kraik.
ANPM sei anunsia deit aplikante hirak nebe maka pasa prosesu short-listing hodi kontinua ba izame eskrita. Depois ne’e ANPM mos sei anunsia deit kandidatu nebé pasa ona ezame eskrita ba tuir intervista.
| ANPM promove opurtunidade ba programa estajiu hanesan ba jéneru hot-hotu iha Timor -Leste. ANPM mos investe iha dezenvolvimentu kapasitasaun ba Rekursu Umanu Timor oan. Programa estajiu ne’e sei halao dala rua (2) iha tinan ida no tinan – tinan sei halao bebeik. |
|---|
Dili, 1 Abril 2018
Zulficar Pires
Oficial Formasaun no Dezenvolvimentu
