This content has been archived. It may no longer be relevant
AVISU PÚBLIKU
Programa Estajiu ba Graduadu Universitariu
Autoridade Nacional do Petróleo e Minerais (ANPM) nudar orgaun ida nebe responsabiliza hodi jere, regula, no kontrola atividade petróliferu no mineral iha area Timor – Leste, tasi no rai maran tuir dekretu lei nebe establese ANPM.
ANPM oferese programa estajiu ba Timor oan nebe akaba tiha ona nia estudu husi Ensino Superior. Iha tinan 2023 ba periodu 1° (premeiro), ANPM oferese programa estajiu ba kategoria Grupu Enjeñaria no Grupu Servisu Corporativa ho durasaun fulan neen (6). Programa estajiu premeiro ne’e sei hahu iha fulan Janeiro – Junhu 2023. Programa hirak ne’e mak hanesan tuir mai:
| Grupu Enjeñaria | Númeru Estajiariu | Servisu Corporativa | Númeru Estajiariu |
|---|---|---|---|
| Geology and Geophysics (Oil and Gas) | 4 | Information and Technology (IT) | 1 |
| Development and Production (Oil and Gas) | 2 | Human Resource (HR) | 1 |
| Environment Engineering (Oil and Gas) | 1 | Corporate Procurement | 1 |
| Health and Safety (Oil & Gas) | 1 | Corporate Administration | 1 |
| Local Content & Procurement (Oil and Gas) | 2 | Corporate Logistic | 1 |
| Oil & Gas Legal Framework | 2 | Training & Development | 1 |
| Oil and Gas Commercial | 2 | ||
| Downstream Environment | 1 | ||
| Downstream Calibration activity | 1 | ||
| Downstream Project Appraisal and Monitoring | 1 | ||
| Downstream Fuel Quality Assurance | 1 | ||
| Geologist for Mineral Exploration | 1 | ||
| Mining Engineering | 1 | ||
| Mining Environmental Engineering | 1 | ||
| Total | 21 | Total | 6 |
Ba ita boot sira nebe interese iha programa estajiu, bele vizita website ANPM:
https://www.anp.tl/graduate-internship-program/. Klik iha How to Apply; Kompleta formulariu online no anexu dokumentu relevante mak hanesan: Karta Aplikasaun, CV, Kopia Diploma Original, Traskripsaun Valor, Kopia Bilhete Identidade/Passaporte, no informasaun seluk konaba abilidade no koinesementu iha programa nebe ita boot eskoila. Ita boot sira nia Karta Aplikasaun no CV tenki hakerek ho lian Ingles inklui mos lista referensia pesoal ema nain rua.
Aplikasaun nebe kompleta ona sei manda automatikamente ba iha Departamentu Formasaun ANPM.
ANPM sei simu deit aplikasaun hirak nebe hatama liu husi online. ANPM sei lasimu wainhira ita boot sira hatama direita ba edifisiu ANPM.
Aplikante ida, bele aplíka ba programa ida deit !
Aplikasaun sei taka iha loron 21 Outubru 2022, oras tuku 04.00 loro-kraik.
ANPM sei anunsia deit aplikante hirak nebe maka pasa prosesu short-listing hodi kontinua ba izame eskrita. Depois ne’e ANPM mos sei anunsia deit kandidatu nebé pasa ona ezame eskrita ba tuir intervista.
| ANPM promove opurtunidade ba programa estajiu hanesan ba jéneru hot-hotu iha Timor-Leste. ANPM mos investe iha dezenvolvimentu kapasitasaun ba Rekursu Umanu Timor oan. Programa estajiu ne’e sei halao dala rua (2) iha tinan ida no tinan – tinan sei halao bebeik. |
Dili, 6 Outubru 2022
Zulficar Pires
Jerente Formasaun no Dezenvolvimentu ANPM
*Note: Sei iha link validasaun ida manda automatikamente ba ita nia email bainhira ita klik SUBMIT. Favor hare’e iha ita nia inbox/Junk box ou Spam atu valida. Nune’e ita nia aplikasaun mantein nafatin iha Sistema laran. Se lahalo nune’e ita nia aplikasaun sei lakon iha oras ida nia laran no ami labele prosesa ita nia aplikasaun. Obrigado.
PS: Atu download notisia ida ne’e iha versaun PDF, favor klik iha ne’e.