Facebook Linkedin Instagram Youtube

    AUTORIDADE NACIONAL DO PETRÓLEO, I.P.

    To be a leading petroleum regulatory authority in the region & a model for institutional development in Timor-Leste.
    COURAGE

    Collaboration, Openness, Unity, Responsibility, Accountability, Global View, Excellence​

    Procurement,  RFP

    Archived: REKERIMENTU BA PROPOSTA (RbP) – FORNESE MANUTENSAUN EDIFISIU ANPM

    May 30, 2023 /

    This content has been archived. It may no longer be relevant

    REKERIMENTU BA PROPOSTA (RbP)

    FORNESE MANUTENSAUN EDIFISIU ANPM

    ANPM/PROC/RFP/23/003

    LIA MAKLOKEK

    Autoridade Nasionál ba Petróleu no Mineral (ANPM, Instituisaun Públika (IP), ne’ebé estabelese husi Dekretu-Lei No. 27/2019, 27 Agostu, alterasaun daruak ba Dekretu-Lei No. 20/2008, 19 Juñu, kona ba Autoridade Nasionál ba Petróleu, responsável ba jestaun no regulamentasaun atividade petrolífera no mineral sira iha área Timor-Leste nian, tantu iha Offshore (Tasi Laran) no iha Onshore (Rai Maran) no mos iha Rejime Espesiál Greater Sunrise nian, hanesan haktuir iha Dekretu-Lei ne’ebé estabelese ANPM, Lei ba Atividade Petrolífera, Tratadu Fronteira Marítima no mos Diploma Ministerial.

    ANPM mos iha knar ida hodi estabelese no superviziona ba kumprimentu husi regra no regulamentu sira ne’ebé aprovadu inklui esplorasaun (Peskiza), dezenvolvimentu, produsaun, transporte no distribuisaun ba Petróleu, Gás Naturál no Minerais. ANPM mos iha knar seluk hanesan hari’i instituisaun forte ba jestaun petróleu no mineral iha Timor-Leste.

     OBJETIVU

    ANPM oras ne’e dadaun loke oportunidade ba kompañia Lokál ne’ebé maka kualifikadu iha area konstrusaun civil liu-liu iha area ba manutensaun edifisiu, atu halo manutensaun ba Eskritoriu ANPM nian ne’ebé lokaliza iha Farol no Tore Ministerio Finansas – Aitarak Laran no mos fatin seluk ne’ebé sei indika husi ANPM.

    Kompañia ne’ebé mak iha interese atu kompete tenke submete proposta ne’ebé komprensivu tuir kriteria ANPM nian.

    ANPM mos solisita atu fornese serbisu manutensaun edifísiu ho sasan ne’ebé mak uza tuir kualidade padraun rekunesidu Internasional, aseita faktura pagamentu kada fulan ka bazeia ba fornese serbisu manutensaun edifísiu nian, prontu atu atende telefone iha kualker tempu husi Ekipa Lojístiku ANPM nian, uza transporte rasik wainhira hala’o serbisu ida ne’e.

    SUBMISAUN BA PROPOSTA

    Submisaun ba proposta tenke hatama iha envelope ne’ebé taka metin no tau marka “CONFIDENTIAL’ no hato’o/dirije ba Sr. Nuno Belo Freitas, Procurement Sourcing Officer no liu husi sitiu elektróniku bele haruka ba iha bid@anpm.tl ka liu husi koreius ba iha:

    Autoridade Nacional do Petróleo e Minerais (ANPM)
    Torre Minsiterio das Financas Aitarak Laran Dili
    Piso 7 ou Rua Direitos Humanos No.1
    Aldeia Lirio, Suco Motael, Posto Administrativo Vera Cruz
    Municipio de Dili, Timor Leste
    PO Box 113
    ANPM website: www.anpm.tl

    DATA NO LORON IKUS HATAMA PROPOSTA

    Submisaun ba proposta sei taka iha loron 28 Junho 2023, tuku 4:00 lokraik oras Timor – Leste nian. Aplikasaun ba proposta hatama liu oras no data ne’ebé mak temi ona iha leten sei la konsidera.

    INFORMASAUN SELUK

    Karik iha perguntas ruma, bele kontaktu mai Edifisiu ANPM iha numeru +670 73099995 / 73099996 ka email procurement.queries@anpm.tl

    Dili, 29 Maio 2023

    Diana Lay Lugiarto
    Jerente Aprovizionamentu Interina