Facebook Linkedin Instagram Youtube

    AUTORIDADE NACIONAL DO PETRÓLEO, I.P.

    To be a leading petroleum regulatory authority in the region & a model for institutional development in Timor-Leste.
    COURAGE

    Collaboration, Openness, Unity, Responsibility, Accountability, Global View, Excellence​

    Procurement

    Archived: RFP – ANPM Building Maintenance Services

    November 27, 2020 /

    This content has been archived. It may no longer be relevant

    REKERIMENTU BA PROPOSTA (RbP)

    FORNESE MANUTENSAUN EDIFISIU ANPM

    ANPM/PROC/RFP/20/014

     1. LIA MAKLOKEK

    Autoridade Nasionál ba Petróleu no Mineral (ANPM,  Instituisaun Públika (IP), ne’ebé estabelese husi Dekretu-Lei No. 27/2019, 27 Agostu, alterasaun daruak ba  Dekretu-Lei No. 20/2008, 19 Juñu, kona ba Autoridade Nasionál ba Petróleu, responsável ba jestaun no regulamentasaun atividade petrolífera no mineral sira iha área Timor-Leste nian, tantu iha Offshore (Tasi Laran) no iha Onshore (Rai Maran) no mos iha Rejime Espesiál Greater Sunrise nian, hanesan haktuir iha Dekretu-Lei ne’ebé estabelese ANPM,  Lei ba Atividade Petrolífera, Tratadu Fronteira Marítima no mos Diploma Ministerial.

    ANPM mos iha knar ida hodi estabelese no superviziona ba kumprimentu husi regra no regulamentu sira ne’ebé aprovadu  inklui esplorasaun (Peskiza), dezenvolvimentu, produsaun, transporte no distribuisaun ba Petróleu, Gás Naturál no Minerais. ANPM mos iha knar seluk hanesan hari’i instituisaun forte ba jestaun petróleu no mineral iha Timor-Leste.

    ANPM agora dadaun loke oportunidade ba kompañia Lokál ne’ebé maka kualifikadu atu submete  proposta hodi  fornese Manutensaun ba  Edifisiu ANPM iha Farol, Aitarak Laran  no mos fatin ne’ebé indika husi ANPM.  Kompañia ne’ebé hetan susesu sei fornese serbisu ne’e durante  tinan ida no  iha posibilidade   kontratu  bele hanaruk ba tinan tuir mai bazeia  ba dezempeñu serbisu nian.

    Kompañia ne’ebé mak iha interese atu kompete tenke submete proposta ne’ebé komprensivu tuir rekezitu ANPM nian, iha edifísiu ne’ebé própriu no ambiente ne’ebé diak atu ANPM bele kontaktu, iha ekipamentus kompletu hodi bele hala’o manutensaun no iha funsionáriu tékniku ne’ebé bele hala’o knar ho didiak.

    Kompañia mos husu atu fornese tarefa ne’ebé diak ba serbisu manutensaun edifísiu nian,  sasan ne’ebé mak uza tuir kualidade Australia nian, aseita faktura pagamentu atu hala’o kada fulan ka bazeia ba fornese serbisu manutensaun edifísiu nian, prontu atu atende telefone emerjénsia husi Ekipa Administrasaun ka Lojístiku ANPM nian, uza transporte rasik wainhira hala’o serbisu ida ne’e no fo atensaun másimu tuir rekerimentu saúde, siguransa ho meiu ambiente.

    2. KRITERIA BA SELESAUN

    Kompañia ne’ebé iha interese tenke submete informasaun  hanesan tuir mai ne’e:

    1. Iha esperiénsia no kapasidade fornese Manutensaun Edifísiu tuir ANPM nia rekerementu;
    2. Deklarasaun kompeténsia no kualifikasaun husi pesoál ne’ebé involve iha serbisu ida ne’e;
    3. Proposta metodolojia oinsá atu fornese Manutensaun ba edifísiu nian;
    4. Deklarasaun kona ba konflitu interese;
    5. Proposta programa no orariu (timeline) oin sa atu fornese manutensaun ba edifísiu nian;
    6. Submete dokumentus Rejistu Negósiu/Komérsiu Timor – Leste nian inklui deklarasaun impostu no sósiu kapitál kompañia nian;
    7. Submete deklarasaun afiliasaun ho kompañia seluk – karik iha;
    8. Submete deklarasaun Konta Bankaria (Bank Statement) fulan tolu (3) nian hahu husi submisaun proposta;
    9. Submete strutura organizasaun kompañia nian;
    10. Proposta finanseira;

     

    Nota:

    • Submisaun ba proposta hakerek ho lian Ingles ka Tetun no dokementus sira ne’ebé temi iha “Kritéria Selesaun” tenke aneksa tutuir malu tuir nia númeru;
    • Tenke submete Proposta rua, ida ba tékniku no seluk fali ba finanseira, proposta rua ne’e fahe keta-ketak;
    • Sekarik failla hodi responde ba lalaok selesaun kritéria maka temi iha leten maka sei diskualifika automatikamente.

     

    III. SUBMISAUN BA PROPOSTA

    Submisaun ba proposta tenke hatama iha envelope ne’ebé taka metin no tau marka “CONFIDENTIAL’ no hato’o/dirije ba Sr.  Nuno Belo Freitas,  Procurement Sourcing Officer  no liu husi sitiu elektróniku bele haruka ba iha ANPM.procurementbid@anpm.tl ka liu husi koreius ba iha:

    Autoridade Nacional do Petróleo e Minerais (ANPM)

    Edifício do Ministério das Finanças, Pisos 6 e 7

    Aitarak Laran, Dili, Timor-Leste

    PO Box 113

    ANPM website: www.anpm.tl

     

    IV. DATA NO LORON IKUS HATAMA PROPOSTA

    Submisaun ba proposta sei taka iha tuku 4.00 lokraik oras Timor – Leste nian iha loron 28 Dezembru 2020. Aplikasaun ba proposta  hatama liu oras no data ne’ebé mak temi ona iha leten sei la konsidera.

    V. INFORMASAUN SELUK

    Karik iha perguntas ruma, bele kontaktu mai Edifisiu ANPM  iha numeru +670 73099995 / 73099996 ka email ba iha Jerente Administrasaun no Lojistiku, Sra. Pamela Simões iha pamela.simoes@anpm.tl ka Ofisial Lojistiku, Sr. Reginaldo Francisco iha reginaldo.francisco@anpm.tl.

     

    Dili, 25 Novembru 2020

     

    Humberto Pereira

    Jerente Aprovizionamentu

     

    PS:

    1. Favor baixa anunsiu nee iha versaun PDF hodi klik iha nee.

    2. Favor prenchee formulario ba material nebe nesesita ba manutensaun. Favor klik iha nee hodi

    baixa.