This content has been archived. It may no longer be relevant
REKEZITU BA PROPOSAL (RbP)
Fornese Serbisu Seguransa iha Edifísiu ANPM
ANPM/PROC/RFP/19/011
LIA MAKLOKEK
Autoridade Nacional do Petróleo e Minerais (ANPM) hanesan instituisaun publiku, ne’ebé estabelese ho dekretu lei No. 27/2019, loron 27 Agustu, alterasaun daruak husi dekretu lei No. 20/2008 loron 19 Juñu kona ba Autoridade Nacional do Petróleo, ne’ebé iha responsabilidade atu maneija no regula atividades petróleo no mineiru iha area Timor-Leste, iha tasi laran no iha rai maran inklui rejime spesial Greater Sunrise bazeia ba Dekretu Lei kona-ba estabelesementu ANPM, Lei Atividade Petróleo, Tratadu Fronteira Maritima and Kodigu Mineiru.
Estabelesementu ANPM atu maneija no superviziona lala’ok regulamentu no lei sira hanesan peskiza, dezenvolvimentu, produsaun, transportasaun no distribuisaun rekursu Petróleo no Minerais. ANPM mos iha mandatu atu dezenvolve hanesan instituisaun regulador ba setor Petróleo no Minerais iha Timor-Leste.
ANPM agora dadaun loke oportunidade ba kompañia lokal ne’ebé maka kualifikadu no iha esperiensia atu kompete iha konkursu publiku ida ne’e hodi submete proposta atu Fornese Serbisu Seguransa ba iha Edifisiu ANPM nian ne’ebé lokaliza iha Farol. Kompañia ne’ebé maka manan iha konkursu ne’e sei fornese serbisu durante tinan ida no iha posibilidade hodi hanaruk kontratu ba tinan tuir mai bazeia ba dezempeñu serbisu.
Kompañia ne’ebé mak iha interese atu kompete tenke submete proposta ne’ebé komprensivu tuir rekezitu ANPM nian, iha fatin ne’ebé própriu no ambiente ne’ebé diak atu ANPM bele kontaktu no mos aseita fatura pagamentu atu hala’o kada fulan ka bazeia ba fornese serbisu nian.
Kompañia mos iha obrigasaun atu fornese presu ne’ebé diak no kompetitivu ba serbisu ida ne’e, no mos prontu atu atende telefone husi Ofisial Administrasaun ka Ofisial designadu ANPM no no fo atensaun másimu tuir rekerimentu saúde, siguransa ho meiu ambiente.
KRITERIA BA SELESAUN
- Iha kapasidade no esperiénsia minimu tinan 3 ba fornese Serbisu Seguransa;
- Deklarasaun kompeténsia no kualifikasaun husi pesoál ne’ebé sei involve iha serbisu ida ne’e;
- Proposta metodolojia oinsá atu responde ba ANPM nian kritéria;
- Deklarasaun kona ba konflitu interese;
- Fornese orariu/tabela Serbisu Seguransa nian;
- Submete dokumentus Rejistu Negosiu/Komersiu Timor – Leste nian inklui deklarasaun impostu no sósiu kapitál kompañia nian nebe maka validu no legalizadu;
- Submete deklarasaun afiliasaun ho kompañia seluk – karik iha;
- Submete deklarasaun Konta Bankaria (Bank Statement) fulan tolu (3) ikus hahú husi submisaun proposta;
- Submete estrutura organizasaun kompañia nian;
- Proposta Finanseira.
Nota: Submisaun ba proposta hakerek ho lian Ingles ka Tetun no dukementus sira ne’ebé temi iha “Kritéria Selesaun” tenke aneksa tutuir malu tuir nia númeru. Tenke submete Proposta rua, ida ba tékniku no seluk fali ba finanseira, proposta rua ne’e fahe ketak-ketak.
I. SUBMISAUN BA PROPOSTA
Submisaun ba proposta tenke hatama iha envelope ne’ebé taka metin no tau marka “CONFIDENTIAL’ no hato’o/dirije ba Sr. Nuno Belo Freitas, Procurement Sourcing Officer liu husi elektróniku ba iha ANPM.procurementbid@anpm.tl ka entrega dereta ba iha:
Autoridade Nacional do Petróleo e Minerais (ANPM)
Edifício do Ministério das Finanças, Pisos 7
Aitarak Laran, Dili, Timor-Leste
PO Box 113
ANPM website: www.anpm.tl
II. DATA NO LORON IKUS HATAMA PROPOSTA
Submisaun ba proposta sei taka iha tuku 4.30 lokraik oras Timor – Leste nian iha loron 6 Dezembru 2019. Aplikasaun ba proposta hatama liu oras no data ne’ebé mak temi ona iha leten sei la konsidera.
III. INFORMASAUN SELUK
Karik iha perguntas ruma, bele kontaktu mai Edifisiu ANPM iha numeru +670 73099995 / 73099996 ka email ba iha Jerente Administrasaun no Aprovizionamentu, Sra. Pamela Simões iha pamela.simoes@anpm.tl.
Dili, 6 Novembru 2019
Pamela Simões
Jerente Administrasaun no Aprovizionamentu
PS: Favor baixa anunsiamentu nee iha versaun PDF hodi klik iha nee.
