Introdusaun
Autoridade Nacional do Petróleo (ANP) hanesan instituisaun públiku Timor-Leste nian, ne’ebé estabelese ho DekretuLei No.62/2023, loron 6 Setembru, alterasaun datoluk husi Dekretu-Lei No.20/2008, loron 19 Juñu. ANP responsabiliza hodi hala’o jestaun no regulamentu ba atividade petróleo sira iha área Timor-Leste (rai maran no tasi laran) inklui iha área Rejime Espesial Greater Sunrise, bazei aba Dekretu-Lei estabelesementu ANP, Lei ba Atividade sira Petrolíferu nian, Kódigu Mineiro ba Petróleo no Tratadu Fronteiras Maritimas.
Iha parte seluk, ANP mos responsavel ba supervisiona implementasau lei no regulamentu sira ne’ebé regula atividade esplorasaun, dezenvolvimentu, produsaunn, transportasaun, prosesamentu, refinasaun no komersializasaun petróleu no rekursu gas natural sira. ANP mos iha responsabilidade atu dezenvolve jestaun institusion petróleu ida forte iha Timor-Leste.
Ami nia Valor
COURAGE(KORAJEN)
Collaboration(Kolaborasaun), Hari kolaborasaun ida efisiente no efetivu entre (i) Diresaun sira iha ANP, no (ii) parseiru sira.
Openness (Nakloke), Onestu no transparansia – apoiu ho kultura konfiansa no respeitu.
Unity (Unidade), ANP promove no serbisu hamutuk ho ninia funsionariu sira no diresaun sira. Apresia no respeitu diversidade kultura intelektual sira, ANP unidu iha ambisaun hodi sai organizasaun nivel mundial ida iha Timor-Leste.
Responsibility (Responsabilidade), Hanesan profissionais lolos, membru ekipa ANP iha responsabilidade tomak ba sira nia asaun.
Accountability (Akuntabilidade), ANP no nia membru ekipa sira responsabiliza ba padraun étika sira, hahalok, no desempeñu, iha kualker tempu. Liu tan ANP mos responsabilidade ba Governu Timor-Leste. Wainhira hala’o serbisu sira iha Área Rejime Espesial Greater Sunrise, ANP responsabiliza ba Timor-Leste no Australia, no foti asaun hodi nasaun rua nia naran.
Global View (Vizaun Global), ANP iha vizaun ida global maske nia hala’o nia operasaun iha Timor-Leste. ANP serbisu no kordena atividade sira ho operador multinasional sira.
Excellence (Excellence), Atu bele dezenvolve organizasaun nasional ho kualidade mundial ida, ANP ekselente iha buat hot-hotu ne’ebé mak nia halo.
Ami nia Orientasaun Estratéjika
Vizaun
Sai matadalan ba autoridade reguladora Petróleo iha rejiaun no modelu ba desenvolvimentu institusional iha Timor-Leste
Misaun
– Maksimiza reseita no multiplika benefsiu ekonomiku
– Maksimiza Timor-Leste nia partisipasaun iha desenvolvimentu setor petrolíferu no mineiru;
– Promove lala’ok diak iha saude, siguransa serbisu no meiu ambiente;
– Desenvolve kapasidade institusional Timor-Leste nian iha seitor petrolíferu no mineiru.
Objetivu
– Garante katak rekursu petrolíferu sira tomak sei esplora, dezenvolve administra no regula ho efetivu;
– Garante kata vantajen ekonómiku sira tomak hato’o ona ba estadu kontratante;
– Aumenta oportunidade empregu ba sidadaun Timor-oan;
– Dezenvolve organizasaun ho Exelente;
– Promove no garante prátika di’ak ba SSM (Saúde, Siguransa Serbisu no Meiu Ambiente) nian;
– Regula atividade sira Downstream nian iha Timor-Leste;
– Maksimiza atividade ekonomia ba setor petróleo nian iha Timor-Leste.
