This content has been archived. It may no longer be relevant
Programa Estajiu ba Graduadu Universitariu
Autoridade Nacional do Petróleo e Minerais (ANPM) nudar orgaun ida nebe responsabiliza hodi jere, regula, no kontrola atividade petróliferu no mineral iha area Timor – Leste, tasi no rai maran tuir dekretu lei nebe establese ANPM.
ANPM oferese programa estajiu ba Timor oan nebe akaba tiha ona nia estudu husi Ensino Superior. Iha tinan 2022 ba periodu 1° (premeiru), ANPM oferese programa estajiu ba kategoria Grupu Enjeñaria no Grupu Servisu Corporativa ho durasaun fulan neen (6). Programa estajiu premeiru ne’e sei hahu iha fulan Janeiru – Juniu 2022. Programa hirak ne’e mak hanesan tuir mai:
| Grupu Enjeñaria | Númeru | Grupu Servisu Corporativa | Númeru |
|---|---|---|---|
| Geology and Geophysics | 4 | Information and Technology | 1 |
| Development and Production | 2 | Corporate Finance | 1 |
| Environment Engineering | 1 | Human Resource (HR) | 1 |
| Local Content & Procurement in Oil and Gas | 3 | Corporate Procurement | 1 |
| Oil & Gas Legal Framework | 2 | Corporate Administration and Logistic | 2 |
| Oil and Gas Commercial | 2 | Training & Development | 1 |
| Downstream Environment | 1 | ||
| Downstream Health and Safety | 1 | ||
| Downstream Fuel Quality Assurance | 1 | ||
| Geologist for Mineral Exploration | 1 | ||
| Mining Engineering | 1 | ||
| Mining Environmental Engineering | 1 | ||
| Total | 20 | Total | 7 |
Ba ita boot sira nebe interese iha programa estajiu, bele vizita ligasaun ANPM nian: https://www.anp.tl/graduate-internship-program/. Klik iha How to Apply; Kompleta formulariu online no anexu dokumentu relevante mak hanesan: Karta Aplikasaun, CV, Kopia Diploma Original, Transkripsaun Valor, Kopia Bilhete Identidade/Passaporte, no informasaun seluk konaba abilidade no koinesementu iha programa nebe ita boot eskoila. Ita boot sira nia Karta Aplikasaun no CV tenki hakerek ho lian Ingles inklui mos lista referensia pesoal ema nain rua.
Aplikasaun nebe kompleta ona sei manda automatikamente ba iha Departamentu Formasaun ANPM.
ANPM sei simu deit aplikasaun hirak nebe hatama liu husi online. ANPM sei lasimu wainhira ita boot sira hatama direita ba edifisiu ANPM.
Aplikante ida bele aplíka ba programa ida deit !
Aplikasaun sei taka iha loron 07 Novembru 2021, oras tuku 04.00 loro-kraik.
ANPM sei anunsia deit aplikante hirak nebe maka pasa prosesu short-listing hodi kontinua ba izame eskrita. Depois ne’e ANPM mos sei anunsia deit kandidatu nebé pasa ona ezame eskrita ba tuir intervista.
| ANPM promove opurtunidade ba programa estajiu hanesan ba jéneru hot-hotu iha Timor -Leste. ANPM mos investe iha dezenvolvimentu kapasitasaun ba Rekursu Umanu Timor oan. Programa estajiu ne’e sei halao dala rua (2) iha tinan ida no tinan – tinan sei halao bebeik. |
|---|
Dili, 15 Outubru 2021
Zulficar Pires
Jerente Formasaun ANPM
PS: Please download this announcement in PDF version by clicking here.
Nota: Ho razaun katak numero aplikante nebe ANPM simu kiik liu, ANPM desidi atu estende periudu submisaun aplikasaun to’o loron 7 Novembru 2021, oras 04:00 lorokraik.
